泳兒帶同新專輯接受訪問，近日到內地宣傳的她笑說：「因為成個月講普通話，返嚟嗰幾日講嘢都捲脷。」隨即報喜新碟反應理想：「公司話會加碼宣傳。（慶功？）會請班同事出海玩，聽講班男同事操得好Fit。」
泳兒透露家中一歲多的愛犬討厭她練歌太嘈發出不滿聲音，最終要過髮型師男友家練歌，她說：「不過試過喺男友屋企同幾個朋友傾偈，畀鄰居報警投訴聲浪太大，其實我哋好細聲，都打算搬。」問到是否同居？泳兒否認：「唔係，練完歌就返屋企瞓，我都好掛住隻狗。」
對於師姐鄭希怡開網上服裝店，泳兒大表支持：「我都有幫佢拍宣傳照，佢好叻呀。（有冇諗過做生意？）有，想開寵物美容店。」轉自【on.cc東網專訊】